Mikroqofrokarton nə üçün lazımdır?
Qofrokartonun ixtirasından yüz ildən artıq vaxt keçməsinə baxmayaraq, hələ də qutuların istehsalı üçün daha yaxşı material tapılmayıb. Bu gün qofrokartonun bir neçə variantı istifadə edilir: ikiqat, üçqat, beşqat və mikroqofrokarton. Hər birinin öz istehlak sahəsi var. Məsələn, zərif və səliqəli dizayn tələb edən əczaçılıq, zərgərlik, ətriyyat və digər kiçik əşyalar üçün qablaşma istehsalında mikroqofrokartondan istifadə olunur.
Mikroqofrokarton Haqqında
Mikroqofrokartonun əsas üstünlüyü onun incəliyi (0,4-dən 1,8 mm-ə qədər), eyni zamanda sərtliyi, möhkəmliyi, yüngüllüyü və elastikliyinə görə zərbəni udmaq qabiliyyətidir. Bütün bu keyfiyyətlər özünü kiçik ölçülü qutularda göstərir. Bundan əlavə, mikroqofrokarton düz və hamar bir səthlə xarakterizə olunur.
Struktur olaraq bu material üç qatlı qofrokartondur. Onun əsas fərqi qofro təbəqənin qalınlığındadır. Yastı laynerlər arasında hava boşluğunun olması amortizasiya xüsusiyyətini və yaxşı istilik izolyasiya qabiliyyətini təmin edir və sellüloza materialının strukturu hər cür kostruksiyaların yaradılmasını asanlaşdırır.
Mikroqofrokartonun əsas tətbiq sahələri:
- Elektronika, şüşə və çini məhsullar, lampalar, ofis avadanlığı üçün komponentlər və s. kiçik və kövrək mallar.
- Ətirlər, kremlər, kosmetika, zərgərlik məmulatları, saatlar, suvenirlər və s. bahalı aksesuarlar.
- Eynək və qələm futlyarları.
- Mini vitrinlər, brend promo stendlər, rəflər və digər promo-məhsullar.
- Oyuncaqlar, konstruktorlar, dəftərxana ləvazimatları.
Aşağıdakı parametrlərə görə fərqlənən bir neçə növ mikroqofrokarton var:
- Flutinqin hündürlüyü (mm-lə).
- Xarici örtüyün rəngi və teksturası.
- Xarici laynerin tərkibi.
Qofrokartonun bir alt növü olaraq, mikroqofrokarton latın əlifbasının E hərfi ilə ifadə olunur.
E profilli mikroqofrokarton Azərbaycanda ən geniş yayılmış karton növlərindəndir. Bununla belə, bu materialın da öz altnövləri var:
- F – dalğanın hündürlüyü 0,8 ilə 1,2 mm arasındadır. Material olduqca elastikdir və kiçik qutular hazırlamaq üçün əladır.
- G – kifayət qədər güclü və möhkəm olmasına baxmayaraq daha incədir. Ətirlər, mobil telefonlar və digər kiçik əşyalar üçün geniş istifadə olunur. Qofranın hündürlüyü 0,6-0,8 mm-dir.
- N – dalğanın hündürlüyü 0,4-0,6 mm olmaqla ən kiçik profildir. Belə karton dəftərxana ləvazimatları və oxşar ölçülü digər kiçik məhsullar üçün qutuların istehsalında istifadə olunur.
Səthinin rənginə görə mikroqofrokarton qəhvəyi (daşınma qutuları üçün) və ya ağ rəngdə olur.
Xarici qatın tərkibi isə aşağıdakı layner növlərinə görə fərqlənir:
- Top layner – tam olaraq ilkin sellülozadan hazırlanır.
- Test layner – ilkin sellüloza əlavə edilmədən təkrar emal materialından istehsal olunur.
- Kraft layner – 8-in 2-yə nisbətində ilkin və təkrar emal olunmuş sellülozadan ibarət olur.
